و الله غمس باسمك البحري اسبوع الولادة و استراح إلى الأبد

محمود درويش

الموروث الديني 1

"لااا لا ما تاكليها لحسها الشيطان": هيك حكتلي بنت بالروضة قبل 18 سنة لما وقعت حبة شبس مني عالارض. ما بعرف لية متذكرة الموضوع بس كتير بخطر عبالي عبارات كتير تانية مضمونها ديني ما الو جنس المنطق برسخوها براس الاطفال وبتكبر فيهم مش بس معهم.
كيف خطرببال شخص بالغ انو يخلق شيطان ليفهم طفل ما ياكل من اشي علارض، بدل ما يستخدم ذرة عقل ويقولوا انها توسخت مثلا! وقيس على ذلك كتير اشياء..
لو انو هالكبار بس يستخدموا المنطق البشري المُعطى من الرب لكان الفكر الديني المتداول اليومي ما وصل لهاي الهوَة، هوَة الغباء مش هوَة السقوط، أسقطوا الايدولوجيا الدينة الَي كان ممكن يطورها البشر ويعيش بسلام فكري معها و استبدلوها بواقع ديني سطحي ركيك اساسة عواطف الرعب من نار ومسلغ بسبب وبدون سبب.. صارات عفوية التصرف خطايا وحرية الفكر كفر. انت/ي ذو فكر تكفيري بمجرد جدلك انو الفتوحات الاسلامية هي اسمها حرب وصلبطة واحتلال عينك عينك!! واه ه ه احتلال ! حللو بتجرد بدون ما تخافوا ..
دخلوا لبلد=اقتحموا أرض ليست لهم

حاوروا اهلها= احتلال سلمي
قاتلوا اهلها= حرب
اخذوا الغنائم= سلبطوا وسرقوا ما ليس لهم
وبعدين بحكولك رحبي الصدر انو يا بتصير مسلم وبضلك ببيتك، يا بدفع مصاري عشان تقعد ببيتك"الجزية"، يا بتترك البلد
شو هالفتح والرحيم!! الله يرحمكم ارحمونا من منطقكم..
يتبع

الله من فوق...يهدكم

في مقال لجريدة الغد بتاريخ 22كانون اول بعنوان" إسرائيل تعلن قرب اجتياح غزة وحماس تتخذ تدابير "سرية" لحماية قادتها" شو منفهم من هاد العنوان ... انا شخصيا فهمت انو في ناس اسمهم حماس بتعرصوا بغزة وبشلو امل وبخت الناس عشان يفرجونا عضلاتهم على اكم دونم مقابل اشي كتيييير اناني بأنهم يخبوا راس اكم من ملتحي مفكر حالة خليفة نبي والمليون بني ادم وراهم الله لا يردهم .. واسرائيل اللي اصلا مش فرارقة عندها نوعية اللي بموتوا المعم الكمية مكيفة على غباء و تياسة الحمساوية... الله يهدكوا من اصغر حمساوي لا اكبر اسرائيلي